Como funciona a bolsa?

Este traballo práctico está proposto para alumnos de 4º da ESO para entender como funciona a bolsa e para comprender mellor o seu impacto na crise de 1929. Seguindo as pautas explicadas en clase trátase de facer un investimento, seguimento das accións e un balance final de resultados tendo en conta as seguintes bases:

1. Os alumnos dispoñen dun total de 15.000 euros (loxicamente, virtuais) para invertir. 2. Deben mercar un mínimo de 3 valores bursátiles e un máximo de 5. 3. Teñen que comprobar diariamente a como pecha cada un dos valores mercados, e logo actualizar os mesmos ao día seguinte na plantilla que teñen no tabuleiro de anuncios do corredor de secundaria. 4. Poden vender valores e mercar outros, admitíndose un máximo de tres cambios.

5. Os cambios teñen que ser indicados ao mestre para seren autorizados. Debendo de comunicar no día pola mañá a súa intención de vender-mercar o valor co que queiran operar.

#Secundaria #Economía