Somos verdes: reciclamos.

Os alumnos de 1º da ESO explícannos con detalle como é o proceso de fabricación de papel reciclado a partir de follas vellas de libretas. Este papel reciclado será empregado para conmemorar o día do libro facendo uns marcapáxinas moi orixinais.

Pero, que é a reciclaxe de papel? A reciclaxe de papel é unha das formas de reciclar máis beneficiosas para o medio ambiente, en gran parte debido ao coste medioambiental que supón obtelo a partir da natureza (un 90% da pasta de papel procede das árbores). O reciclado de papel, ten por norma xeral producir novamente papel, chamado papel reciclado. Para obtelo, moése papel que se obtén de trozos e recortes de papel principalmente de revistas, xornais e todo tipo de documentos que acostumamos a tirar.

Por cada tonelada de papel reciclado aforramos ao medio ambiente:

• 17 árbores adultas.

• 2,5 metros cúbicos de refugallos.

• 27.000 litros de auga.

• 1.440 litros de aceite.

• 4.100 kilovatios-hora de enerxía.

• 27 kilogramos de contaminantes.

Non vos perdades esta montaxe explicativa!

#Reciclaxe #Secundaria